Гагра араион Ахадара аиҳабы Иури Хагәышь аветеранцәеи, араион анхаҩцәеи, асасцәеи Аиааира амш рыдиныҳәалеит:
«Ҳаҭыр зқәу Аџьынџьтәылатәи еибашьра Дуӡӡа аветеранцәа! Ҳаҭыр зқәу Гагра араион ауааԥсыреи асасцәеи! Гәыкала ишәыдаҳныҳәалоит аныҳәа ду – Аиааира Амш!
Маи жәба – асовет жәлар рџьабаа дуӡӡа агәалашәара иамшуп. Миллионҩыла иҭахаз ауааԥсыра ргәаларшәара иамшуп. Ари амш наунагӡа аҭоурых адаҟьаҿы иаанхоит. Зыԥсадгьыл зыхьчоз зегьы ргәымшәареи рфырхаҵареи ҿыц еиҵагыло абиԥарақәа ргәалашәараҿы иаанхоит, ҿырԥшыганы ирзыҟалоит!
Ихьанҭаз аамҭазы Аԥсны жәлар, егьырҭ асовет республикақәа рҟны инхо ажәларқәа реиԥш, иаҳзеиԥшыз аԥсадгьыл – Асовет Еидгыла ахьчаразы игылеит. Иҭабуп ҳәа раҳәо, ҳара еснагь ҳветеранцәа рфырхаҵара ҳгәалаҳаршәалоит, ҳаҭыр рықәаҳҵалоит.
Аҭынчра ҳзаазгаз афырхацәа наӡаӡа ҳгәалашәара шәыцзаауеит!
Ҳаҭыр зқәу аветеранцәа, ишәзеиӷьаҳшьоит агәабзиареи анҵыра дуи!
Ҳажәлар зегьы ирзеиӷьаҳшьоит аҭынчра, абзазара, аиҵыҵра!
Глава администрации Гагрского района Юрий Хагуш поздравил ветеранов, жителей и гостей Гагрского района с Днём Победы в Великой Отечественной войне:
«Уважаемые ветераны! Дорогие жители и гости Гагрского района! Сердечно поздравляю вас с великим праздником — Днём Победы!
9 мая — день великого подвига советского народа, день памяти и скорби по десяткам миллионов человеческих жизней. Этот день останется навеки в памяти и будет служить будущим поколениям примером мужества, героизма и любви к Родине!
Народ Абхазии, как и народы других советских республик, встал на защиту нашего общего дома, общей Родины — Советского Союза. И мы будем всегда с благодарностью помнить и чтить защитников Отечества.
Вечная память героям, подарившим нам мир!
Дорогие ветераны, желаю вам крепкого здоровья и долгих лет жизни! Всем нам мира и добра!»
